صدر آصف علی زرداری نے فلسطینی عوام کے حق خود ارادیت، آزادی اور وقار کی منصفانہ جدوجہد میں پاکستان کی جانب سے غیر متزلزل حمایت اور یکجہتی کا اعادہ کیا ہے۔بین الاقوامی یوم نکبہ کے موقع پر اپنے پیغام میں انہوں نے کہا کہ یہ دن 1948 کے ان واقعات کی یاد دلاتا ہے جن کی وجہ سے لاکھوں فلسطینیوں کو ان کے گھروں اور زمینوں سے بے گھر ہونا پڑا اور طویل تکالیف کا سامنا کرنا پڑا۔
صدر نے کہا کہ فلسطینی عوام کے لیے نکبہ تاریخ کا ایک بند باب نہیں ہے کیونکہ یہ ایک مسلسل حقیقت ہے جو قبضے، نقل مکانی، بے دخلی اور حقوق سے انکار ہے۔
انہوں نے عالمی برادری پر زور دیا کہ وہ فلسطینی عوام بالخصوص فلسطینی پناہ گزینوں کی مسلسل حمایت کو یقینی بنائے۔آصف علی زرداری نے کہا کہ فلسطینی پناہ گزینوں کی واپسی کا حق، جیسا کہ قرارداد 194 میں تصدیق شدہ ہے، نامکمل ہے اور اسے برقرار رکھا جانا چاہیے۔
دریں اثنا وزیر اعظم شہباز شریف نے جون 1967 سے پہلے کی سرحدوں پر مبنی ایک خودمختار، آزاد، قابل عمل فلسطینی ریاست کے قیام کے لیے پاکستان کی پرعزم حمایت کا اعادہ کیا ہے جس کا دارالحکومت القدس الشریف ہو گا۔
نکبہ کو 78 برس مکمل ہونے کے موقع پر سماجی رابطے کی ویب سائٹ ایکس پر ایک پوسٹ میں، انہوں نے کہا کہ ہمیں 1948 سے فلسطینیوں کے اپنے وطن سے بے گھر ہونے کے دائمی مصائب یاد ہیں۔
انہوں نے اسرائیلی قابض حکام کی طرف سے فلسطینیوں پر ڈھائے جانے والے تشدد ، مظالم اور قبضے کو فوری طور پرختم کرنے کا مطالبہ کیا۔
