پاکستان اور ترکمانستان کے درمیان مشترکہ بین الحکومتی کمیشن کے چھٹے اجلاس کے پروٹوکول پر دستخط

9

نائب وزیراعظم سینیٹر محمد اسحاق ڈار اور ترکمانستان کے وزیر خارجہ رشید میردوف نے پاکستان اور ترکمانستان کے مشترکہ بین الحکومتی کمیشن کے چھٹے اجلاس کے پروٹوکول اور دو ہزار چھبیس سے دو ہزار تیس کیلئے دونوں ممالک کی خارجہ وزارتوں کے درمیان تعاون کے پروگرام پر دستخط کردیے ہیں۔

دستخطوں کی تقریب آج اسلام آباد میں پاکستان اور ترکمانستان کے مشترکہ بین الحکومتی کمیشن کے چھٹے اجلاس کے اختتام پر ہوئی۔

فریقین نے پاکستان کی بین الصوبائی رابطے کی وزارت اور ترکمانستان کی وزارت ثقافت کے درمیان سیاحت کے شعبے میں تعاون کی مفاہمتی یادداشت کا بھی تبادلہ کیا۔

یہ معاہدے ادارہ جاتی تعاون مضبوط بنانے، سفارتی روابط برقرار رکھنے اور سیاحت و عوامی سطح پر روابط کے فروغ کے لیے پاکستان اور ترکمانستان کے مشترکہ عزم کی عکاسی کرتے ہیں۔

 

اس خبر پر اپنی رائے کا اظہار کریں

اپنا تبصرہ بھیجیں