نیویارک میں وزیرخارجہ بلاول بھٹو زرداری کی نوبل انعام یافتہ ملالہ یوسفزئی سےملاقات ہوئی جس میں خواتین کےحقوق اور لڑکیوں کی تعلیم سے متعلق تبادلہ خیال کیا گیا۔وزیرخارجہ بلاول بھٹو زرداری نےٹوئٹر پوسٹ شیئر کرتے ہوئے بتایا کہ ان کی اور ملالہ یوسفزئی کی ملاقات ہوئی ہے جس میں خواتین کے حقوق اور لڑکیوں کی تعلیم کے حوالے سے بات چیت کی گئی۔
بلاول کا کہنا تھا کہ ملاقات میں پاکستان میں سیلابی صورت حال اور موسمیاتی تبدیلی کے چیلنجز پر بھی گفتگو کی گئی۔بلاول کا کہنا تھا کہ سیلاب سے ہزاروں اسکول تباہ ہوگئےجس سےلاکھوں بچوں کی تعلیم متاثر ہو رہی ہے۔
