ڈپٹی وزیراعظم اسحاق ڈار نے ازبکستان کے صدر شوکت مرزیاۓوف سے ملاقات کی، جو پاکستان کے دو روزہ سرکاری دورے پر ہیں۔اسحاق ڈار نے ازبک صدر کو صدر، وزیراعظم اور پاکستانی عوام کی جانب سے گرم جوشی سے نیک تمناؤں کا پیغام پہنچایا۔ انہوں نے ازبکستان کے ساتھ دوستانہ تعلقات کی اہمیت پر زور دیا اور یقین ظاہر کیا کہ اس سرکاری دورے سے دوطرفہ تعاون کو مزید مضبوط اور وسعت دینے میں مدد ملے گی۔دونوں فریقین نے پاکستان اور ازبکستان کے دیرینہ بھائی چارے کے تعلقات کو مزید گہرا اور متنوع بنانے کے عزم کا اعادہ کیا۔
