امیرِ جماعت اسلامی سراج الحق کا کہنا ہےکہ مرکزی حکومت قائم رہی تو 2 صوبوں کے الیکشن نتائج کو کوئی تسلیم نہیں کرےگا، جزوی انتخابات سے مزید انتشار پھیلےگااور عدم استحکام بڑھے گا، ملک ایک ہے تو الیکشن بھی ایک ہی روز ہونے چاہئیں۔
اپنے ایک بیان میں سراج الحق نے کہاکہ الیکشن کمیشن کے مطابق عام انتخابات پر 72 ارب روپے خرچ آتا ہے، جزوی انتخابات سے قومی خزانے پر بوجھ ناقابل برداشت ہو جائےگا۔
ان کا کہنا تھا کہ پی ڈی ایم، پی پی اور پی ٹی آئی نے جمہوریت کمزور کی اور قانون کا مذاق اڑایا، تینوں بڑی جماعتیں اپنی مرضی کے انتخابات چاہتی ہیں،کرپٹ حکمران ٹرائیکا چاہتی ہےکہ عدلیہ، الیکشن کمیشن اور نیب ان کا تابع رہے۔
