اوکاڑہ میں ضعیف بیوہ خاتون کو زمین کے تنازع پر رسیوں سے باندھ کر تشدد کا نشانہ بنانے کی فوٹیج وائرل ہو گئی۔اوکاڑہ کے نواحی قصبے 39 فور ایل کی رہائشی ضعیف بیوہ منیراں بی بی کی جانب سے درج ایف آئی آر کے مطابق زمین کے تنازع پر اسے 9 اگست کو تشدد کا نشانہ بنایا گیا، ملزمان امداد، نواب، خلیل اور نواز نے گھر میں گھس کر رسیوں سے باندھ کر تشدد کا نشانہ بنایا۔
اوکاڑہ میں بااثر افراد کا ضعیف خاتون کے گھر گھس کر اسے رسیوں سے باندھ کر تشدد، پولیس ایسے افراد کو پکڑ ے اور عدالت انہیں نشان عبرت بنائے،یہ جہنمی ہیں#okara,#women,#PunjabPolice ,#police,#punjab,#beating pic.twitter.com/DHAymljatH
— Mahranikhan (@Mahrani90809546) August 15, 2022
ایف آئی آر کے مطابق خاتون کی بہو اسے بچانے آئی تو ملزمان نے اس پر بھی تشدد کیا جس سے وہ زخمی ہو گئی۔تشدد کی ویڈیو سوشل میڈیا پر وائرل ہوئی تو پولیس نے متاثرہ خاتون کی مدعیت میں 4 روز بعد ملزمان کے خلاف مقدمہ درج کر لیا، پولیس کے مطابق ملزمان کی گرفتاری کے لیے چھاپے مارے جا رہے ہیں۔
دوسری جانب آئی جی پنجاب فیصل شاہکار نے واقعے کا نوٹس لیتے ہوئے ملزمان کی فوری گرفتار ی اور خاتون کو بازیاب کرانے کے احکامات جاری کر دیے ہیں۔
