پاکستان کی ٹیسٹ ٹیم کراچی سے بنگلہ دیش کے دارالحکومت ڈھاکہ کے لیے روانہ ہو گئی ہے، جہاں وہ میزبان ٹیم کے خلاف دو ٹیسٹ میچوں پر مشتمل سیریز کھیلے گی۔
سیریز کا پہلا ٹیسٹ میچ 8 مئی سے ڈھاکہ کے شیرِ بنگلا نیشنل کرکٹ اسٹیڈیم میں شروع ہوگا، جبکہ دونوں ٹیمیں دوسرے ٹیسٹ کے لیے سلہٹ جائیں گی، جو 16 سے 20 مئی تک کھیلا جائے گا۔
یہ 2021 کے بعد پاکستان کا بنگلہ دیش میں پہلا ٹیسٹ دورہ ہوگا، جہاں اس سے قبل پاکستان نے میزبان ٹیم کو 2-0 سے شکست دی تھی۔ تاہم دونوں ٹیموں کے درمیان آخری ٹیسٹ سیریز 2024 میں راولپنڈی میں کھیلی گئی تھی، جس میں بنگلہ دیش نے پاکستان کو 2-0 سے شکست دے کر اپنی تاریخ میں پہلی بار پاکستان کے خلاف ٹیسٹ سیریز جیتنے کا اعزاز حاصل کیا تھا۔
