حکومتِ پنجاب نے صوبے میں لائیوسٹاک کے شعبے کے فروغ کیلئے نجی شعبے کی ایک کمپنی کے ساتھ مفاہمتی یادداشت (ایم او یو) پر دستخط کیے ہیں۔
اس معاہدے کا مقصد گوشت کی پیداوار اور برآمدات میں اضافہ کرنا ہے۔
محکمہ لائیوسٹاک پنجاب نے اس سلسلے میں چھ بڑی گوشت برآمد کرنے والی کمپنیوں کے ساتھ شراکت داری قائم کی ہے۔
اس اقدام کا مقصد بین الاقوامی معیار کے مطابق گوشت کی پیداوار، پراسیسنگ اور برآمدات کو فروغ دینا اور قومی معیشت کو مزید مضبوط بنانا ہے۔
