صدر مملکت آصف علی زرداری نے کہا ہے کہ پاکستان کو درپیش موجودہ سیکیورٹی چیلنجز سے مؤثر طور پر نمٹنے کے لیے باخبر قیادت، قومی یکجہتی اور مربوط پالیسی سازی ضروری ہے۔وہ اسلام آباد میں نیشنل ڈیفنس یونیورسٹی میں منعقدہ نیشنل سکیورٹی ورکشاپ 27 (NSW-27) کے شرکا سے خطاب کر رہے تھے۔
صدر نے ورکشاپ مکمل کرنے پر شرکا کو مبارکباد دی اور قومی سلامتی کے شعور کو مضبوط بنانے میں ان کی محنت اور سنجیدگی کو سراہا۔ورکشاپ میں ارکانِ پارلیمنٹ، سینئر سول اور عسکری افسران، اور تعلیمی و سماجی شعبوں کے نمائندوں نے شرکت کی۔NSW-27 کا مقصد شرکا کو جامع قومی سلامتی کے فریم ورک کے تحت قومی طاقت کے مختلف عناصر کے باہمی تعلق اور کردار کی بہتر سمجھ فراہم کرنا تھا۔
