پاکستان اور ترکیہ نے آئندہ برسوں میں تجارتی حجم پانچ ارب ڈالرزتک بڑھانے کے لئے ملکر کام کرنے پر اتفاق کیا ہے۔یہ اتفاق رائے وزیر مواصلات عبدالعلیم خان اور ترکیہ کے وزیر تجارت پروفیسر ڈاکٹر عمرBOLAT کے درمیان استنبول میں صنعت اور غیر ملکی تجارت کے بارے میں پانچویں ای سی او کے وزارتی اجلاس کے موقع پر ہونے والی ملاقات کے دوران ہوا۔ملاقات کے دوران عبد العلیم خان نے پاکستان اور ترکیہ کے درمیان دیرینہ برادرانہ تعلقات کو اجاگر کیا۔
وفاقی وزیر نے دونوں ملکوں کے درمیان بڑھتے ہوئے کثیر جہتی تعاون پراطمینان کا اظہار کیا۔عبدالعلیم خان نے ترکیہ کے ساتھ معیشت، تجارت اور سرمایہ کاری کے شعبوں میں تعلقات کو مزید فروغ دینے کے لئے پاکستان کے پختہ عزم کااعادہ کیا۔فریقین نے باہمی دلچسپی کے امور پر بھی تبادلہ خیال کیا اور دوطرفہ تعلقات کومزید مستحکم کرنے کیلئے تمام شعبوںمیں ملکر کام کرنے پر اتفاق کیا۔
