نیشنل ویمنز ون ڈے ٹورنامنٹ کا ٹرافی آج فیصل آباد کے ایک مقامی ہوٹل میں نمائش کے لیے پیش کی گئی۔ٹرافی کی رونمائی کی تقریب میں تمام پانچ ٹیموں کے کپتانوں نے شرکت کی۔ فاتمہ ثنا کونکررز کی قیادت کریں گی، جبکہ نثرہ سندھو سٹرائیکرز کی کپتانی کریں گی۔ چیلنجرز رامین شمیم کی قیادت میں میدان میں اتریں گی اور منیبہ علی انونسیبلز کی قیادت کریں گی۔ اسٹارز ٹیم اپنے ٹائٹل کا دفاع عمیمہ سہیل کی قیادت میں کرے گی۔ٹورنامنٹ میں ہر ٹیم آٹھ میچز کھیلے گی۔ ایونٹ کا آغاز 14 نومبر کو ہو گا جبکہ فائنل میچ 6 دسمبر کو کھیلا جائے گا۔نیشنل ویمنز ون ڈے ٹورنامنٹ کے میچز فیصل آباد کے اقبال اسٹیڈیم اور پی سی بی ہائی پرفارمنس سینٹر گراؤنڈ میں منعقد ہوں گے۔
