پاکستان اور تاجکستان نے تجارت اور سرمایہ کاری، رابطوں، توانائی، علاقائی سلامتی، ثقافت اور عوام سے عوام کے تبادلوں سمیت مختلف شعبوں میں تعاون بڑھانے پر اتفاق کیا ہے۔یہ بات آج بیجنگ میں وزیراعظم شہباز شریف اور تاجکستان کے صدر امام علی رحمان کے درمیان ہونے والی ملاقات میں سامنے آئی۔
دونوں رہنماؤں نے مشترکہ ثقافتی، تاریخی اور مذہبی رشتوں میں جڑے پاکستان تاجکستان تعلقات کو مزید مضبوط بنانے کے عزم کا اعادہ کیا۔دونوں رہنماؤں نے مشترکہ تشویش کے علاقائی اور عالمی مسائل پر بھی نقطہ نظر کا تبادلہ کیا۔
