انٹرنیشنل کرکٹ کونسل (آئی سی سی) ویمنز کرکٹ ورلڈ کپ کیلئے 15 رکنی پاکستان سکواڈ کا اعلان کر دیا گیا۔فاطمہ ثناء پہلی مرتبہ ون ڈے ورلڈ کپ میں قومی ٹیم کی کپتانی کریں گی۔ویمنز کرکٹ ورلڈ کپ دو ملکوں بھارت اور سری لنکا میں 30 ستمبر سے 2 نومبر تک شیڈول ہے، پاکستان کے تمام میچ سری لنکا میں ہوں گے، قومی سکواڈ میں نئے کھلاڑیوں کو موقع دیا گیا ہے، جن میں ایمان فاطمہ، نتالیہ پرویز، رمین شمیم، صدف شمس، سعدیہ اقبال، شوال ذوالفقار اور سیدہ عروب شاہ شامل ہیں۔آئی سی سی ورلڈ کپ کوالیفائر سکواڈ میں 2 تبدیلیاں کی گئی ہیں، گل فیروزہ اور نجيحہ علوی سکواڈ سے باہر ہوگئی ہیں۔قومی سکواڈ میں فاطمہ ثناء (کپتان)، منیبہ علی صدیقی، عالیہ ریاض، ڈیانا بیگ، ایمان فاطمہ، نشرا سندھو، نتالیہ پرویز، عمائمہ سہیل، رامین شمیم، صدف شمس، سعدیہ اقبال، شوال ذوالفقار، سدرہ امین، سدرہ نواز اور سیدہ عروب شاہ شامل ہیں۔اس کے علاوہ نان ٹریولنگ ریزروز میں گل فیروزہ، نجيحہ علوی، طوبیٰ حسن، امِ ہانی اور وحیدہ اختر شامل ہیں۔قومی ویمن ٹیم کا 15 رکنی سکواڈ ورلڈ کپ سے قبل جنوبی افریقہ سے 3 ون ڈے انٹرنیشنل بھی کھیلے گا، یہ سیریز 16 سے 22 ستمبر تک لاہور میں شیڈول ہے۔
