غیرقانونی بھرتیوں کے معاملہ پر چیئرمین پاکستان زرعی تحقیقی کونسل ڈاکٹر غلام محمد علی کو گرفتار کر لیا گیا۔ایف آئی اے کے مطابق وفاقی تحقیقاتی ادارے کے اینٹی کرپشن سرکل نے ڈاکٹر غلام محمد کو گرفتار کیا، آج عدالت میں پیش کیے جانے کا امکان ہے، چیئرمین پر بھرتیوں کے لیے مروجہ طریقہ کار نظر انداز کا الزام ہے۔
ایف آئی اے کے مقدمے میں چئیرمین سمیت پی اے آر سی کے 19 زرعی ماہرین اور اعلی افسر نامزد ہیں، غیر قانونی بھرتیوں کے لئے مبینہ رشوت لینے کے الزامات بھی ہیں۔ایف آئی اے کے مطابق چیئرمین پی اے آر سی نے 164 منظور شدہ اسامیوں پر 332 افراد کو غیر قانونی طریقہ سے بھرتی کیا۔واضح رہے کہ ایف آئی اے نے پبلک اکاؤنٹس کمیٹی کے حکم پر تحقیقات مکمل کرتے ہوئے مقدمہ درج کیا۔
