وزیراعظم محمد شہبازشریف نے پاکستان کے ساتھ غیرمتزلزل یکجہتی اورتعاون کے اظہار پر ترک صدررجب طیب اردوان کا شکریہ ادا کیا ہے۔سماجی رابطے کی ویب سائٹ ایکس پراپنے ایک پیغام میں شہبازشریف نے کہاکہ جنوبی ایشیاء میں امن کے فروغ کی ٹھوس کوششوں اور تعمیری کردارادا کرنے پروہ طیب اردوان کے مشکور ہیں۔
انہوں نے کہا کہ پاکستان کو ترکی کے ساتھ دیرینہ ،آزمودہ اورپائیداربرادرانہ تعلقات پر فخر ہے جوہرنئے چیلنج کے ساتھ مزیدمضبوط ہوئے ہیں۔وزیراعظم نے اس امید کا اظہارکیا کہ پاکستان اورترکئے کے درمیان تعلقات مزید مضبوط ہوں گے۔
