وزیر اعلیٰ پنجاب، پاکستان محترمہ مریم نواز شریف جمہوریہ ترکیہ کی وزارت خارجہ کی طرف سے منعقدہ انطالیہ ڈپلومیسی فورم (ADF 2025) میں شرکت کے لیے انطالیہ پہنچ گئی ہیں، جس کی میزبانی صدر رجب طیب اردوان نے کی۔وزیر اعلیٰ پنجاب ترکیہ کی خاتون اول ایمن ایردوان کی دعوت پر ترکیہ کا دورہ کر رہی ہیں۔
انطالیہ پہنچنے پر انطالیہ کے ڈپٹی گورنر ڈاکٹر سوات سیتوگلو نے وزیر اعلیٰ کا پر جوش استقبال کیا۔وزیراعلیٰ مریم نواز شریف کل فورم سے خطاب بھی کریں گی۔
انطالیہ ڈپلومیسی فورم کا چوتھا ایڈیشن 11 سے13 اپریل 2025 تک ترکیہ میں ‘بکھری ہوئی دنیا میں سفارت کاری کی بحالی’ کے موضوع کے تحت منعقد ہو رہا ہے۔ ADF میں دنیا بھر سے عالمی رہنما، پالیسی ساز، ماہرین تعلیم، کاروباری ماہرین اور میڈیا اور سول سوسائٹی کے نمائندے شرکت کر رہے ہیں۔
