وزیر اعلیٰ پنجاب نے صوبہ بھر میں 40ہزار سپیشل بچوں کی ہیلتھ سکریننگ انکی بیماریوں کی تشخیص کیلئے مفت علاج کا حکم دیدیا۔مریم نوازشریف نے کہا ہے کہ سپیشل بچوں کی زندگی میں مثبت تبدیلی لانا ہمارا عزم ہے۔خصوصی بچوں کا خیال رکھنا فلاحی ریاست کا فرض اولین ہے۔
تفصیلات کے مطابق وزیر اعلیٰ کے حکم پر پنجاب میں پہلی مرتبہ طلبہ کی حاضری کے لئے فیشل رجسٹریشن سسٹم متعارف کروایا جائیگا، وزیراعلیٰ مریم نوازشریف نے خصوصی افرادروزگار پروگرام کی منظوری دے دی
سپیشل بچوں کیلئے رائزنگ سٹار کارڈبرائے سپیشل چلڈرن متعارف کرانے کا پروگرام کافیصلہ کیا گیا ہے،سپیشل چلڈرن کیلئے پیک فوڈ کا میل پروگرام شروع کرنے کا فیصلہ بھی کیا گیا ہے،مریم نوازعیدی پروگرام برائے خصوصی طالبعلم اور سپیشل بچوں کیلئے 9الیکٹرک بسوں کی منظوری بھی دے دی ، انہوں نے سپیشل ایجوکیشن مراکز کا ہر 6ماہ کے بعد پرفارمنس آڈٹ کرانے کی ہدایت کی۔
وزیر اعلیٰ نے معاون خصوصی برائے وزیراعلیٰ اورایس ایم یو کو سپیشل بچوں کے والدین سے مسلسل رابطوں کا حکم دیا،سپیشل بچوں کا تحفظ یقینی بنانے کیلئے سکولوں،سینٹرز اوربسوں میں مزید کیمرے نصب کرنے کی ہدایت کی،وزیراعلیٰ کی ہدایت پر پہلی مرتبہ سپیشل ایجوکیشن کے بجٹ کی رنگ فینسنگ اور سپیشل بچوں کیلئے ایکسٹرنل امتحانی سسٹم تشکیل دینے کیلئے اقدامات کی ہدایت کی،سپیشل بچوں کیلئے کلینکل سائیکالوجسٹ اورسپیچ تھراپسٹ کی سروسز،آؤٹ سورس کرنے کا حکم بھی دیا، انہوں نے سپیشل بچوں کیلئے غیر ملکی ماہرین کی خدمات حاصل کرنے کا جائزہ لینے کی ہدایت کی،سپیشل بچوں کے داخلے یقینی بنانے کیلئے سی ایم پنجاب انرولمنٹ اورآگاہی مہم بھی شروع کی جائے گی۔
معاون خصوصی برائے وزیراعلیٰ ثانیہ عاشق جبین نے سپیشل ایجوکیشن ڈیپارٹمنٹ کے بارے میں تفصیلی بریفنگ دیتے ہوئے کہا کہ ذہنی طور پر متاثرہ ساڑھے 6ہزار سپیشل بچوں کی کیٹگری کا تعین کیا جائیگا،ذہنی طور پر متاثرہ سپیشل بچوں کی کیٹگری کے مطابق نیاسلیبس بھی تیار کر لیا گیا،ہر ڈسٹرکٹ سپیشل ایجوکیشن سنٹر آف ایکسی لینس میں ڈیجیٹل سمارٹ روم بنایا جائے گا،بصارت اور قوت سماعت سے محروم سپیشل بچوں کوٹچ سکرین پر ڈیجیٹل سلیبس پڑھایا جائے گا،ہر ڈسٹرکٹ میں سپیشل ایجوکیشن سنٹر آف ایکسی لینس میں ووکیشنل ٹریننگ سنٹر قائم کئے جائیں گے۔مڈل کلاس سے سپیشل بچوں کو خود مختاری کی راہ پر گامزن کرنے کیلئے سکل سکھائے جائیں گےمیٹرک تک ہر سپیشل بچے کے لئے سکل سیکھنے میں معاونت کی جائے گی۔ وزیراعلیٰ مریم نواشریف کی ہدایت پر سپیشل ایجوکیشن ڈیپارٹمنٹ میں پہلی مرتبہ مانیٹرنگ کا سسٹم نافذ کیا جارہا ہے،سماعت سے محروم بچوں کیلئے خصوصی سپیشل سلیبس تیار، منظوری دے دی گئی، سپیشل ایجوکیشن انفارمیشن سسٹم اور خصوصی ہیلپ لائن 1162 قائم کی گئی ہے۔پنجاب میں 14567 سپیشل طالبات سمیت 39085 سپیشل طلباء خصوصی مراکز میں زیر تعلیم ہیں۔صوبہ بھر کے28 سپیشل ایجوکیشن سکولوں کو مریم نوازسنٹر آف ایکسی لینس برائے سپیشل ایجوکیشن اپ گریڈ کیا جارہا ہے۔ وہاڑی، لودھراں، فیصل آباد، سیالکوٹ اور میانوالی میں گورنمنٹ سپیشل ایجوکیشن سنٹر کی نئی عمارتیں مکمل ہوگئی۔
