وزیراعلیٰ پنجاب مریم نواز شریف نے جعفر ایکسپریس آپریشن کی کامیابی پر اظہار تشکر کیا ہے۔اپنے ایک بیان میں وزیراعلیٰ پنجاب مریم نواز شریف کا کہنا تھا کہ بلوچستان میں جعفر ایکسپریس پر حملہ کرنے والے دہشت گرد جہنم واصل اور عبرت کا نشان بن گئے ہیں۔انہوں نے بلوچستان میں جعفر ایکسپریس پر حملہ آور دہشتگردوں کیخلاف کامیاب آپریشن پر سکیورٹی فورسز کو خراج تحسین پیش کیا۔مریم نواز شریف کا کہنا تھا کہ بیگناہ مسافروں، معصوم بچوں اور عورتوں کو ڈھال بنانا بزدلی کی بدترین مثال ہے، جہنم واصل ہونے والے دہشتگرد نشان عبرت بن چکے ہیں۔
