پنجاب کے دارالحکومت لاہور کی انتظامیہ نے پاکستان تحریک انصاف (پی ٹی آئی) کو 8 فروری کو جلسے کی اجازت دینے سے انکار کردیا۔ انتظامیہ نے ضلعی انٹیلی جنس کمیٹی کی تجاویز کو مدنظر رکھ کر فیصلہ کیا، جاری نوٹی فکیشن کے مطابق سیکیورٹی خدشات پر پی ٹی آئی کو جلسے کی اجازت نہیں دی جاسکتی۔
نوٹی فکیشن میں کہا گیا ہے کہ 8 فروری کو لاہور میں اہم ایونٹس کا سلسلہ جاری ہوگا، ایونٹس میں کرکٹ میچ، کیٹل شو، اسپیکر کانفرنس شامل ہیں۔مزید کہا گیا ہے کہ پاکستان تحریک انصاف کا سابقہ ٹریک ریکارڈ غیر مناسب ہے، 9 مئی واقعات کے باعث پی ٹی آئی کو اجازت نہیں دی جا سکتی۔
