پاکستان سٹاک مارکیٹ میں مندی کا رجحان برقرار، سرمایہ کاروں کو اربوں کا نقصان ہوگیا۔جمعرات کو سٹاک ایکسچینج کے 100 انڈیکس میں کاروبار کے آغاز پر ایک موقع پر 230 پوائنٹس کا اضافہ ریکارڈ کیا گیا جس کے بعد انڈیکس ایک لاکھ 12 ہزار 165 پوائنٹس پر ٹریڈ کرتے دیکھا گیا۔
بعدازاں پاکستان سٹاک مارکیٹ میں شدید مندی دیکھنے کو ملی اور 100 انڈیکس میں 1634 پوائنٹس کی کمی ہو گئی جس کے بعد 100 انڈیکس ایک لاکھ 10 ہزار 301 پوائنٹس کی سطح پر بند ہوا۔یاد رہے کہ منگل کو بھی سٹاک مارکیٹ میں منفی کاروباری رجحان کے باعث 100 انڈیکس ایک لاکھ 12 کی حد بھی برقرار نہیں رکھ سکا تھا۔سٹاک مارکیٹ میں آج 18 ارب 32 کروڑ 76 لاکھ 86 ہزار 708 روپے مالیت کے 17 کروڑ 43 لاکھ 1 ہزار 204 شیئرز کا لین دین ہوا۔
