ایمچور اسنوکر کے ورلڈ چیمپئن محمد آصف نے تیسری سارک اسنوکر چیمپئن شپ جیت لی۔کولمبو میں ہونیوالے فائنل میں آصف نے سری لنکا کے پلیئر طحہ عشراتھ کو بغیر کوئی فریم ڈراپ کئے شکست دیکولمبو کے مورس اسنوکر کلب میں ہونے والے ایونٹ کے فائنل میں محمد آصف نے اپنی بالادستی کا مظاہرہ کرتے ہوئے بغیر کوئی فریم ڈراپ کیے 0-5 سے کامیابی حاصل کی۔
آصف کی کامیابی کا اسکور 3-99، 46-73، 38-58، 6-109 اور 0-74 رہا۔محمد آصف نے گزشتہ سال ورلڈ چیمپئن شپ بھی جیتی تھی، وہ 2019 اور 2012 کے ورلڈ چیمپئن بھی تھے۔ سارک اسنوکر چیمپئن شپ ان کے کیرئیر کا مجموعی طور پر آٹھواں ٹائٹل ہے۔
محمد آصف سارک اسنوکر چیمپئن شپ جیتنے والے دوسرے پاکستانی پلیئر ہیں، ان سے قبل 2019 میں ہونیوالی پہلی سارک اسنوکر چیمپئن شپ پاکستان کے اسجد اقبال نے جیتی تھی۔
دوسری جانب صدرمملکت آصف علی زرداری نے محمد آصف کو تیسری سارک اسنوکرچیمپئن شپ جیتنے پر مبارکباد دی۔انہوں نے کہاکہ محمد آصف نے فائنل سمیت پوری چیمپئن شپ میں بہترین کھیل پیش کیا اوراسنوکر کے کھیل میں پاکستان کا نام روشن کیا۔
