گرمی بڑھنے کے ساتھ ساتھ بجلی کے یونٹ کی قیمت بھی پڑھنے لگی ہے جس کے بعد غریب عوام کو رواں موسم گرما میں گرمی کے ساتھ ساتھ بجلی کے بڑھے ہوئے بلوں کا جھٹکا بھی برداشت کرنا پڑا گا
نیشنل الیکٹرک پاور ریگولیٹری اتھارٹی(نیپرا) نے بجلی کی قیمت میں اضافے کی منظوری دے دی۔نیپرا کے مطابق بجلی کی قیمت میں اضافہ مارچ کی ماہانہ فیول ایڈجسٹمنٹ کی مد میں کیا گیا ہے جس کے تحت بجلی کی قیمت میں 34 پیسے فی یونٹ اضافے کی منظوری دی گئی ہے۔
نیپرا کے مطابق قیمت میں اضافے سے بجلی صارفین پر 2 ارب 90 کروڑ روپے کا اضافی بوجھ پڑے گا جب کہ اضافے کا اطلاق لائف لائن اور کے الیکڑک صارفین پر نہیں ہوگا۔نیپرا کے مطابق صارفین کو مئی کے بلوں میں اضافی ادائیگیاں کرنا ہوں گی۔
