قومی احتساب بیورو نے ایک بڑی کارروائی کرتے ہوئے پاکستان ریلوے کی غیر قانونی طور پر قبضہ کی گئی تینتالیس ایکڑ سے زائد اراضی واگزار کرا لی۔
ترجمان کے جاری کردہ اعلامیے کے مطابق یہ قیمتی زمین ضلع ملیر کے علاقے ڈیہہ کھانٹو، جمعہ گوٹھ، کراچی میں واقع ہے، جس کی مالیت نو ہزار چھ سو اکہتر ملین روپے بتائی گئی ہے۔
واگزار کرائی گئی اراضی کو باضابطہ طور پر پاکستان ریلوے کے حوالے کر دیا گیا ہے اور اسے ادارے کے قبضے میں دے دیا گیا ہے۔
قومی احتساب بیورو کے مطابق سرکاری املاک کے تحفظ اور غیر قانونی قبضوں کے خاتمے کے لیے کارروائیاں جاری رہیں گی۔
