وزیراعظم محمد شہباز شریف چیف آف ڈیفنس فورسز اور چیف آف آرمی اسٹاف فیلڈ مارشل سید عاصم منیر کے ہمراہ عالمی اقتصادی فورم (WEF) کے سالانہ اجلاس میں شرکت کے لیے ڈیووس میں موجود ہیں۔
عالمی فورم میں شریک عالمی رہنماؤں کی توجہ کا مرکز وزیراعظم محمد شہباز شریف اور فیلڈ مارشل سید عاصم منیر رہے۔ اس موقع پر دونوں شخصیات نے مختلف عالمی رہنماؤں سے غیر رسمی اور خوشگوار ملاقاتیں کیں۔
وزیراعظم اور فیلڈ مارشل نے صدر آذربائیجان الہام علیوف، امریکی وزیر خارجہ مارکو روبیو اور سعودی عرب کے وزیر خارجہ شہزادہ فیصل بن فرحان آل سعود سے ملاقاتیں کیں۔ ملاقاتوں کے دوران باہمی دلچسپی کے امور، علاقائی صورتحال اور دوطرفہ تعاون پر تبادلۂ خیال کیا گیا۔
عالمی فورم کے دوران ہونے والی ان غیر رسمی ملاقاتوں میں خوشگوار ماحول، گرمجوشی اور مسکراہٹوں کا تبادلہ نمایاں رہا۔
وزیراعظم محمد شہباز شریف اور فیلڈ مارشل سید عاصم منیر نے عالمی اقتصادی فورم سے امریکی صدر ڈونلڈ ٹرمپ کے خطاب میں بھی شرکت کی۔
