وزیر اعظم محمد شہباز شریف ورلڈ اکنامک فورم (WEF) کی سالانہ کانفرنس 2026 میں شرکت کیلئے ڈیووس، سوئٹزرلینڈ روانہ ہو گئے ہیں۔ وہ 19 سے 23 جنوری 2026 تک کانفرنس میں شرکت کے سلسلے میں سرکاری دورہ کر رہے ہیں۔وزیرِ اعظم کے ہمراہ ایک اعلی سطحی وفد بھی ہے جس میں نائب وزیرِ اعظم و وزیرِ خارجہ محمد اسحاق ڈار، وزیرِ اقتصادی امور احد چیمہ، وزیرِ اطلاعات و نشریات عطا اللہ تارڑ، معاونِ خصوصی طارق فاطمی اور دیگر سینئر حکام شامل ہیں۔
دورے کے دوران وزیرِ اعظم کی اہم سفارتی اور اقتصادی مصروفیات ہوں گی۔ وہ مختلف ممالک کے سربراہانِ مملکت و حکومت اور بین الاقوامی تنظیموں کے قائدین سے دو طرفہ ملاقاتیں کریں گے۔دورے کا ایک اہم حصہ بزنس رانڈ ٹیبل اجلاس ہے، جس کا مشترکہ اہتمام پاکستان اور ورلڈ اکنامک فورم کر رہے ہیں۔ اجلاس میں عالمی سطح کی نمایاں کمپنیوں کے رہنما شریک ہوں گے، جو پاکستان میں سرمایہ کاری کے مواقع تلاش کرنے یا اپنی موجودہ سرمایہ کاری کو وسعت دینے میں دلچسپی رکھتے ہیں۔
