نائب وزیراعظم و وزیر خارجہ اسحاق ڈار نے پاکستان میں 2026 میں منعقد ہونے والی خواتین سے متعلق 9ویں او آئی سی وزارتی کانفرنس کی تیاریوں کے حوالے سے آج اسلام آباد میں ایک کمیٹی اجلاس کی صدارت کی۔
اجلاس میں کانفرنس کے انتظامی امور، لاجسٹکس اور موضوعاتی سیشنز کے حتمی انتظامات پر غور کیا گیا۔ نائب وزیراعظم نے ہدایت کی کہ تمام متعلقہ وزارتوں اور او آئی سی سیکریٹریٹ کے ساتھ قریبی رابطہ اور مؤثر ہم آہنگی کو یقینی بنایا جائے تاکہ کانفرنس کا انعقاد خوش اسلوبی سے ممکن ہو۔
اس موقع پر اسحاق ڈار نے کہا کہ آئندہ او آئی سی وزارتی کانفرنس خواتین کے حقوق کے فروغ اور سماجی، معاشی اور سیاسی شعبوں میں ان کے کردار کو مضبوط بنانے کے لیے پاکستان کے عزم کی عکاس ہے۔
