نائب وزیراعظم اسحاق ڈار نے اہم ترجیحی شعبوں میں ایران کے ساتھ تعلقات کو مزید وسعت دینے کے لئے پاکستان کے عزم کا اعادہ کیا ہے۔ان خیالات کا اظہار انہوں نے آج (منگل) اسلام آباد میں ایرانی سفیر Amiri Moghaddam سے ملاقات کے دوران کیا۔
سفیر نے ایرانی وزیر خارجہ عباس عراقچی کی طرف سے نئے سال کی مبارکباد دی اور ان کی طرف سے ایک خط بھی دیا۔ نائب وزیر اعظم نے گرمجوشی سے مبارکباد کا جواب دیا۔اسحاق ڈار کو مختلف شعبوں میں تعاون کو مضبوط بنانے کے لئے مختلف دوطرفہ ادارہ جاتی حکمت عملی کے تحت ہونے والی پیش رفت کے بارے میں بھی بریفنگ دی گئی۔
