پاکستان اسٹاک ایکسچینج (پی ایس ایکس) نے آج ایک اور تاریخی سنگِ میل عبور کرتے ہوئے پہلی بار اپنی تاریخ میں کاروبار کے دوران ایک لاکھ پچھتر ہزار پوائنٹس کی نفسیاتی حد عبور کر لی۔
ہنڈرڈ انڈیکس، جو گزشتہ روز ایک لاکھ چوہتر ہزار چار سو بہتر پوائنٹس (174,472) پر بند ہوا تھا، آج کاروبار کے آغاز پر بڑھ کر ایک لاکھ پچھتر ہزار دو سو انتیس پوائنٹس (175,229) تک پہنچ گیا، جس میں 757 پوائنٹس کا اضافہ ریکارڈ کیا گیا۔
اسٹاک مارکیٹ میں یہ تیزی حکومت کی معاشی پالیسیوں پر کاروباری برادری کے بڑھتے ہوئے اعتماد کی عکاسی کرتی ہے۔
