اقوام متحدہ کی جنرل اسمبلی نے اپنے 80ویں اجلاس کے دوران پاکستان کی جانب سے پیش کردہ عوام کے حق خود ارادیت کی عالمی احساس کے عنوان سے قرارداد متفقہ طور پر منظور کرلی۔قرارداد کی متفقہ منظوری استعماریت، بیرونی تسلط اور غیر ملکی قبضے کا سامنا کرنے والے لوگوں کے ناقابل تنسیخ حق کے لیے وسیع بین الاقوامی حمایت کو ظاہر کرتی ہے۔بھارت کے غیر قانونی مقبوضہ جموں و کشمیر اور فلسطین کے لوگوں کے لیے یہ قرارداد اقوام متحدہ کی سلامتی کونسل کی قراردادوں کے مطابق ان کے منصفانہ ،جائز مقصد اور آزادی اور وقار کے حصول کیلئے بین الاقوامی توجہ کو تقویت دیتی ہے۔
