چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر نے کہا ہے کہ اسلامی ریاست میں ریاست کے علاوہ کوئی بھی جہاد کا حکم نہیں دے سکتا۔
یہ بات فیلڈ مارشل سید عاصم منیر نے آج (بدھ) اسلام آباد میں قومی علما و مشائخ کانفرنس سے خطاب میں کہی۔
انہوں نے کہا کہ دہشت گردی پاکستان کا نہیں، بلکہ ہندوستان کا وطیرہ ہے۔ ہم دشمن کو چھپ کر نہیں بلکہ للکار کر مارتے ہیں۔ معرکہ حق میں اللہ کی نصرت سے کامیابی حاصل ہوئی۔
فیلڈ مارشل نے مزید کہا کہ ریاست طیبہ اور ریاست پاکستان کے درمیان گہرا تعلق ہے، اور اللہ تعالیٰ نے تمام مسلم ممالک میں سے محافظین حرمین کا شرف پاکستان کو عطا کیا ہے۔ دفاعی معاہدہ تاریخی ہے۔
انہوں نے کہ عزت اور طاقت تقسیم سے نہیں بلکہ محنت اور علم سے حاصل ہوتی ہے۔ جس قوم نے علم اور قلم کو چھوڑ دیا وہاں انتشار اور فساد الارض نے جگہ بنائی۔
فیلڈ مارشل نے علماء سے کہا کہ وہ قوم کو متحد رکھیں اور قوم کی نظر میں وسعت پیدا کریں۔
