نائب وزیراعظم و وزیرِ خارجہ محمد اسحاق ڈار کی دعوت پر مصر کے وزیرِ خارجہ ڈاکٹر بدر احمد محمد عبدالعاطی آج سے پاکستان کے دو روزہ سرکاری دورے پر پہنچ رہے ہیں۔
دورے کے دوران مصری وزیرِ خارجہ نائب وزیراعظم سے ملاقات کے علاوہ وفود کی سطح پر مذاکرات بھی کریں گے۔
بات چیت میں دونوں ممالک دو طرفہ تعلقات کے تمام پہلوؤں کا جائزہ لیں گے اور علاقائی و عالمی امور، خصوصاً غزہ کی صورتِ حال پر تبادلۂ خیال کریں گے۔
یہ دورہ پاکستان اور مصر کے دیرینہ، خوشگوار اور برادرانہ تعلقات کا مظہر ہے، جو مشترکہ مذہبی اقدار، ثقافتی ہم آہنگی اور علاقائی و عالمی معاملات پر یکساں مؤقف کی بنیاد پر قائم ہیں۔
