پاک بحریہ نے بحری جہاز شکن بیلسٹک میزائل کا کامیاب تجربہ کیا ہے۔آئی ایس پی آر کے مطابق ہتھیاروں کا یہ نظام انتہائی درست طریقے سے سمندری اور زمینی اہداف کو نشانہ بنانے کی صلاحیت رکھتا ہے۔یہ نظام جدید ترین رہنمائی اور موثر نقل وحرکت کی خصوصیات سے لیس ہے۔
یہ تجربہ پاکستان کی تکنیکی مہارت اور قومی مفادات کے تحفظ کے لیے پاک بحریہ کے غیر متزلزل عزم کا منہ بولتا ثبوت ہے۔صدرمملکت، وزیراعظم، فیلڈ مارشل، چیئرمین جوائنٹ چیفس آف سٹاف کمیٹی اور سروسز چیفس نے اس سنگ میل کی کامیابی میں شریک یونٹس اور سائنسدانوں کو مبارکباد دی۔
