افغانستان کے صوبہ پکتیکا میں 17 اکتوبر کی رات ہونے والی پاکستان کی کارروائی میں اہم خارجی سرغنہ سمیت گل بہادر گروپ کے 70 سے زائد خارجی ہلاک ہوئے۔
سکیورٹی حکام کے مطابق 17 اکتوبر کی رات پکتیکا میں خارجی گل بہادر گروپ کے دہشت گردوں کے خلاف کارروائی کی گئی، دہشت گرد ٹھکانوں کو مؤثر انداز میں نشانہ بنایا گیا۔
سکیورٹی حکام کے مطابق انٹیلی جنس ذرائع کی مصدقہ اطلاعات کے مطابق مؤثر اسٹرائیکس میں گل بہادر گروپ کے 70 سے زائد خارجی ہلاک ہوئے، مارےگئے دہشت گردوں میں اہم خارجی سرغنہ بھی شامل تھے۔
سکیورٹی حکام کا کہنا ہےکہ خارجی گل بہادر گروپ پاکستان ميں دہشت گردی کی بڑی اور متعدد وارداتوں ميں ملوث ہے، یہ خارجی گروپ افغانستان سے پاکستان میں داخل ہوکر دہشت گرد حملوں میں ملوث ہیں،17 اکتوبرکو خادی، شمالی وزيرستان ميں بھی اسی گروپ نے بارود سے بھری گاڑی کے ذریعے حملہ کیا، حملے ميں 3 خواتين، 2 بچے اور ایک جوان شہيد ہوئے۔
سکیورٹی حکام کے مطابق17 اکتوبر کی رات ٹارگٹڈ اسٹرائیکس میں خارجی فرمان عرف الکرامہ، خارجی صدیق اللہ داوڑ، غازی مداخیل، مقرب، قسمت اللہ، خوارج عاشق اللہ عرف کوثر،یونس، گلاب عرف دیوانہ، عادل اور فضل الرحمان بھی ہلاک ہوئے، ہلاک دہشت گرد فضل الرحمان گل بہادر کا قریبی رشتہ دار ہے ۔
سکیورٹی حکام کا کہنا ہےکہ ان خوارج کا مارا جانا ایک اہم اور بڑی کامیابی ہے۔
