مون سون بارشوں اور سیلاب کی تباہ کاریاں جاری، این ڈی ایم اے نے بارشوں اور سیلاب سے ہونے والے نقصانات کی تازہ رپورٹ جاری کر دی۔این ڈی ایم اے کے مطابق گزشتہ 24 گھنٹے میں بارشوں، سیلاب سے مزید 5 افراد جاں بحق ہوئے، پنجاب میں 2، آزاد کشمیر میں 3 افراد جان کی بازی ہار گئے۔
رپورٹ کے مطابق 26 جون سے اب تک 807 افراد جاں بحق، 1091 زخمی ہوئے، خیبر پختونخوا میں سب سے زیادہ 479 افراد جاں بحق اور347 زخمی ہوئے۔این ڈی ایم اے کے مطابق پنجاب میں 167 افراد جاں بحق اور 584 زخمی ہوئے، سندھ میں 57 افراد جاں بحق اور 78 زخمی ہوئے۔
رپورٹ کے مطابق بلوچستان میں 24 افراد جاں بحق، 5 زخمی، گلگت بلتستان میں 45 افراد جاں بحق اور 45 زخمی ہوئے، آزاد کشمیر میں 27 افراد جاں بحق اور 29 زخمی ہوئے۔این ڈی ایم اے کے مطابق اسلام آباد میں 8 افراد جاں بحق اور 3 زخمی ہوئے، اب تک 7 ہزار 938 مکانات کو نقصان پہنچا، سیلاب میں 5 ہزار 587 مویشی بہہ گئے۔
