وزیراعظم کی ہدایت پر این ڈی ایم اے نے مون سون کی شدید سرگرمیوں کے باعث ملک کے پہاڑی علاقوں میں سیاحتی سرگرمیاں محدود کرنے کی ایڈوائزری جاری کی ہے۔
این ڈی ایم اے نے متعلقہ اداروں کو ہدایت کی ہے کہ وہ آفات سے متاثرہ علاقوں میں سیاحت پر پابندیاں عائد کریں اور اس سلسلے میں فوری اقدامات کریں۔این ڈی ایم اے نے مون سون کے دوران خطرناک علاقوں میں عوامی نقل و حرکت کو محدود کرنے کی ہدایت کی ہے۔
ضرورت پڑنے پر دفعہ 144 کے تحت پابندیاں لگائی جا سکتی ہیں۔این ڈی ایم اے نے قانون نافذ کرنے والے اداروں کو پابندیوں پر عملدرآمد کو یقینی بنانے کی ہدایت کی ہے اور عوام سے متاثرہ علاقوں کا سفر کرنے سے گریز کرنے کی درخواست کی ہے۔
