پاکستان اسٹاک ایکسچینج میں کاروباری ہفتے کے چوتھے روز بھی تیزی کا رجحان جاری رہا اور ہنڈرڈ انڈیکس ملکی تاریخ کی نئی بلند ترین سطح پر پہنچ گیا۔
جمعرات کے روز تجارتی سیشن کے دوران ہنڈرڈ انڈیکس میں 900 پوائنٹس سے زائد کا اضافہ ہوا، جس کے بعد انڈیکس 146,081 پوائنٹس کی ریکارڈ سطح پر بند ہوا۔
بدھ کو بھی مارکیٹ میں زبردست تیزی دیکھنے میں آئی تھی اور ہنڈرڈ انڈیکس 2,051 پوائنٹس کے اضافے سے 145,088 پوائنٹس پر بند ہوا تھا۔
دوسری جانب، انٹر بینک مارکیٹ میں امریکی ڈالر کے مقابلے میں پاکستانی روپے کی قدر میں بہتری آئی، اور ڈالر 17 پیسے کم ہو کر 282.50 روپے پر آ گیا۔
