حکومت نے ملک کے تمام بین الاقوامی ہوائی اڈوں پر غیر ملکی مسافروں کے لیے علیحدہ امیگریشن کاؤنٹر قائم کرنے کا فیصلہ کیا ہے۔وزیر اعظم شہباز شریف کی ہدایات پر اس اقدام کا مقصد پاکستان میں سیاحت کو فروغ دینا، تجارتی سرگرمیوں کے تسلسل کو یقینی بنانا اور غیر ملکی سرمایہ کاری کو آسان بنانا ہے۔ان کاؤنٹرز کے قیام سے ہوائی اڈوں پر امیگریشن پروسیسنگ کا وقت کم ہو جائے گا۔کاؤنٹرز الگ ہونے سے وطن واپس آنے والے پاکستانی بھی کم وقت میں امیگریشن کا عمل مکمل کر سکیں گے۔یہ اقدام پاکستان کو بین الاقوامی سیاحوں، سرمایہ کاروں اور کاروباری وفود کے لیے مزید پرکشش اور خوش آئند بنانے کے لیے حکومت کی وسیع حکمت عملی کا حصہ ہے۔
