بلوچستان کے وزیر اعلیٰ میر صرافراز بگٹی نے جمعہ کے روز کراچی میں صدر مملکت آصف علی زرداری سے ملاقات کی۔اس ملاقات میں بلوچستان کی ترقی اور مجموعی سیاسی صورتحال پر تفصیلی تبادلہ خیال کیا گیا۔وزیراعلیٰ بلوچستان نے صدر مملکت کو صوبے میں امن و امان کی صورتحال اور جاری ترقیاتی منصوبوں پر بریفنگ دی۔صدر زرداری نے ہدایت کی کہ بلوچستان میں امن و امان کی صورتحال کو مزید بہتر بنانے کے لیے اقدامات کیے جائیں۔ انہوں نے اس بات پر زور دیا کہ عوامی فلاح، بنیادی سہولیات کی فراہمی اور ترقیاتی منصوبوں کی بروقت تکمیل یقینی بنائی جائے۔صدر نے یہ بھی کہا کہ عوام کے معیارِ زندگی کو بہتر بنانے کے لیے موثر اقدامات کیے جائیں۔
