جاپان نے پاکستان کو 0-3 سے شکست دیکر انڈر18 ہاکی ایشیا کپ جیت لیا۔چین کے شہر ڈازھو میں انڈر18 ہاکی ایشیا کپ کا فائنل جاپان اور پاکستان کے درمیان کھیلا گیا۔
پہلے کوارٹر میں کوئی ٹیم بھی گول نہ کرسکی۔ دوسرے کوارٹر میں جاپان کو پنالٹی کارنر ملا جس پر یوما فوجیوارا نے گول کرکے برتری دلائی اور ہاف ٹائم تک جاپان کو ایک گول کی برتری حاصل رہی۔
تیسرے کوارٹر میں یوما فوجیوارا نے پنالٹی کارنر پر دوسرا گول کرکے جاپان کی برتری دگنی کردی جبکہ چوتھے کوارٹر میں جاپان کو ایک اور پنالٹی کارنر ملا جس پر کپتان ٹاٹسوکائی نے گول کرکے جاپان کی جیت کو یقینی بنادیا۔پاکستان کو کئی پنالٹی کارنر ملے لیکن کوئی گول نہ کرسکی۔
