پاکستان اور پولینڈ نے اعلی سطح کے دوروں، پارلیمانی تبادلوں اور بات چیت کے ذریعے تعاون بڑھانے پر اتفاق کیا ہے۔یہ سمجھوتہ وارسا میں دونوں ممالک کے درمیان دو طرفہ سیاسی مشاورت (بی پی سی) کے نویں دور میں ہوا۔ایڈیشنل سیکرٹری خارجہ (یورپ)، محمد ایوب، جنہوں نے پاکستانی وفد کی قیادت کی، نے پاکستان کے پولینڈ کے ساتھ تجارت، سرمایہ کاری، توانائی، سلامتی اور دفاعی تعاون، سائنس و ٹیکنالوجی، زراعت، نقل مکانی اور نقل و حرکت اور اعلی تعلیم سمیت مختلف شعبوں میں اپنے تعلقات کو مزید وسعت دینے اور گہرا کرنے کے عزم کا اعادہ کیا۔جنوبی ایشیا، مشرق وسطی اور یورپ کی پیش رفت سمیت باہمی دلچسپی کے علاقائی اور عالمی امور پر تفصیلی تبادلہ خیال کیا گیا۔دونوں وفود نے اہم امور پر اتفاق پایا اور اقوام متحدہ سمیت کثیرالجہتی فورمز پر تعاون جاری رکھنے پر اتفاق کیا۔
