امریکی محکمہ خارجہ کی ترجمان نےکہا کہ امریکا نے بھارت اورپاکستان سے مسلح تصادم بند کرنے کا کہہ دیا ہے، امریکا سمجھتا ہے کہ کشمیر میں جو کچھ بھی ہو رہا ہے، وہ افسوس ناک ہے۔
امریکی محکمہ خارجہ کی ترجمان ٹیمی بروس نے کہا کہ فریقین سے کہتے ہیں کہ مسائل کےحل کے لیے ذمہ دارانہ اقدامات کریں، پاکستان پہلگام واقعے کی تحقیقات چاہتا ہے۔
ٹیمی بروس نے بتایا کہ امریکی وزیر خارجہ کی وزیراعظم شہبازشریف اور بھارتی وزیر خارجہ سے بات ہوئی ہے۔
ترجمان نے بتایا کہ مارکو روبیو نے پاکستان اور بھارت سےکشیدگی کم کرنے پر بات کی ہے، پاکستان اور بھارت میں براہ راست رابطوں کی حوصلہ افزائی کرتے ہیں۔
