پاکستان اور بیلاروس نے رواں ہفتے مشرقی یورپی ملک کے ایک اعلیٰ سطحی پاکستانی وفد کے دورے کے دوران توانائی، ٹرانسپورٹ اور مواصلات سے متعلق متعدد تعاون کے معاہدوں پر دستخط کیے ہیں۔وفاقی وزیر برائے مواصلات عبدالعلیم خان اور بیلاروس کے وزیر توانائی ڈینس موروز نے مذاکرات کے آخری دن مفاہمت کی یادداشت پر دستخط کیے۔
معاہدوں میں توانائی کے بنیادی ڈھانچے، صنعتی تعاون، اور پوسٹل سروسز کے مشترکہ منصوبوں کا احاطہ کیا گیا ہے، جس میں وزیر اعظم کے آئندہ بیلاروس دورے کے دوران شرائط کو باقاعدہ بنانے کے منصوبے شامل ہیں۔اس موقع پراظہار خیال کرتے ہوئے عبدالعلیم خان نے کہا کہ دونوں فریقوں کا مقصد ماضی کی بات چیت کو قابل عمل پیش رفت خاص طور پر ٹرانسپورٹ نیٹ ورکس اور توانائی کے حل میں تبدیل کرنا ہے۔بیلاروس کے وزیر توانائی ڈینس موروز نے کہا کہ ان کا ملک پاکستان کے ساتھ مختلف شعبوں میں وسیع تر تعاون کو یقینی بنانے کے لیے پرعزم ہے۔
