جماعت اسلامی کے امیر حافظ نعیم الرحمٰن نے ہفتہ کے روز وزیراعظم محمد شہباز شریف سے ٹیلیفونک رابطہ کیا اور بجلی کی قیمتوں میں حالیہ کمی پر ان کا شکریہ ادا کیا۔وزیراعظم نے اس اقدام کو خوش آئند قرار دیتے ہوئے کہا کہ حکومت عوام کو ریلیف فراہم کرنے کی پالیسی کو اپنی اولین ترجیح کے طور پر جاری رکھے گی۔ انہوں نے مزید کہا کہ پاکستان کی ترقی کا سفر جاری رہے گا۔
ملاقات کے دوران دونوں رہنماؤں نے غزہ میں بے گناہ فلسطینیوں پر اسرائیلی بمباری اور بین الاقوامی طاقتوں کی خاموشی پر گہری تشویش کا اظہار کیا۔وزیراعظم نے اس عزم کا اعادہ کیا کہ پاکستان غزہ میں اسرائیلی مظالم کے خلاف ہر عالمی فورم پر اپنی آواز بلند کرتا رہے گا۔ انہوں نے کہا کہ پاکستان کا موقف واضح ہے اور وہ اسرائیلی ظلم کا شکار بے گناہ فلسطینیوں کے ساتھ کھڑا ہے۔
