پاکستان اور متحدہ عرب امارات نے تمام شعبوں میں دوطرفہ تعاون بڑھانے کیلئے اپنے عزم کا اعادہ کیا ہے۔اس عزم کا اظہار نائب وزیراعظم اسحق ڈار اور متحدہ عرب امارات کے نائب وزیراعظم شیخ عبداللہ بن زاید النہیان کے درمیان ٹیلی فون پر بات چیت کے دوران کیا گیا۔دونوں رہنماؤں نے متحدہ عرب امارات کے ولی عہد کے حالیہ دورہ پاکستان کے ثمرات پر بھی تبادلہ خیال کیا۔دونوں رہنماؤں نے ایک دوسرے کو رمضان المبارک کی مبارکباد بھی دی۔
