پاکستان میں رواں سال کا تیسرا پولیو کیس سندھ کے ضلع لاڑکانہ سے رپورٹ ہوگیا۔ترجمان نیشنل ای او سی کے مطابق رواں سال کا پولیو کا تیسرا کیس لاڑکانہ سے رپورٹ ہوا ہے جبکہ رواں سال سندھ سے یہ دوسرا پولیو کیس ہے۔
ترجمان نے بتایا کہ گزشتہ سال ملک میں پولیو کے 74 کیسز سامنے آئے تھے جن میں سے بلوچستان سے 27، خیبرپختونخوا سے 22 اور سندھ سے 23 پولیو کیسز رپورٹ ہوئے۔اس کے علاوہ پنجاب اور اسلام آباد سے گزشتہ سال پولیو کا ایک، ایک کیس رپورٹ ہوا تھا۔واضح رہے کہ سال 2025 کا پہلا پولیو کیس خیبرپختونخوا کے ضلع ڈیرہ اسمٰعیل خان جبکہ دوسرا سندھ کے ضلع بدین سے رپورٹ ہوا تھا۔
