پاکستان اسٹاک ایکسچینج میں آج کاروبار کا ملا جلا دن رہا ہے۔پاکستان اسٹاک ایکسچینج کا 100 انڈیکس 202 پوائنٹس کمی سے 116052 پر بند ہوا۔
کاروباری دن میں100 انڈیکس 3165 پوائنٹس کے بینڈ میں رہا۔ 100 انڈیکس کی آج کم ترین سطح 113677 رہی۔بازار میں آج 79 کروڑ شیئرز کے سودے 39 ارب روپے میں طے ہوئے۔ مارکیٹ کیپٹلائزیشن 42 ارب روپے کم ہوکر 14520 ارب روپے ہے۔
دوسری جانب انٹربینک تبادلہ میں ڈالر کی قدر میں معمولی اضافہ ہوگیا۔اسٹیٹ بینک آف پاکستان کے مطابق انٹربینک تبادلہ میں آج ڈالر 278 روپے 67 پیسے پر بند ہوا۔گزشتہ روز انٹر بینک میں ڈالر 278 روپے 62 پیسے پر بند ہوا تھا۔
آج انٹربینک میں ڈالر کی قدر میں 5 پیسے کا اضافہ ہوا ہے۔اوپن مارکیٹ میں ڈالر 7 پیسے مہنگا ہو کر 280 روپے 7 پیسے کا ہے۔
