جنوبی افریقا نے پاکستان کو پہلے ٹیسٹ میچ میں 2 وکٹوں سے شکست دے دی۔سنچورین میں کھیلے گئے ٹیسٹ میچ میں جنوبی افریقی ٹیم نے پاکستان کی جانب سے دیے گئے 148رنز کا ہدف 8 وکٹوں کے نقصان پر پورا کرلیا، پروٹیز نے چوتھے روز کھیل کا آغاز کیا تو اسے جیت کے لیے مزید 121 رنز جبکہ پاکستان کو کامیابی کے لیے 7 وکٹیں درکار تھیں۔
اس قبل تیسرے دن کے اختتام تک جنوبی افریقا نے 3 وکٹوں کے نقصان پر 27 رنز بنائے تھے، ایڈم مارکرم 22 اور کپتان ٹمبا باووما بغیر رن بنائے کریز پر موجود تھے تاہم محمد عباس نے ایڈم مارکرم کو 37 رنز پر آؤٹ کر دیا۔پاکستان کی جانب سے فاسٹ بولر محمد عباس نے 6 وکٹیں حاصل کیں جبکہ خرم شہزاد اور نسیم شاہ نے ایک ایک وکٹ لی۔
پاکستان نے پہلی اننگز میں 211 رنز بنائے تھے جس کے جواب میں جنوبی افریقا کی ٹیم پہلی اننگز میں 301 رنز بناکر آؤٹ ہوئی تھی جبکہ گرین کیپس نے دوسری اننگز میں 237 رنز بنائے تھے۔پاکستان اور جنوبی افریقا کے درمیان سیریزکا دوسرا ٹیسٹ 3 جنوری سے کیپ ٹاؤن میں شروع ہوگا۔
