چین کی بڑی مارکیٹ پر نظر رکھتے ہوئے عالمی کمپنیاں بیجنگ میں ایک بڑے خدمات کے تجارتی میلے میں شرکت کر رہی ہیں تاکہ دنیا کی دوسری سب سے بڑی معیشت میں کاروباری مواقع تلاش کیے جا سکیں۔
فارچیون 500 کے 450سےزیادہ کاروباری ادارےاور کمپنیاں جو اپنی متعلقہ صنعتوں میں قیادت کر رہی ہیں ، سمیت 85 ممالک اور بین الاقوامی تنظیمیں ، خدمات میں تجارت کے لئے چین کے بین الاقوامی میلے (سی آئی ایف ٹی آئی ایس)2024 میں شرکت کر رہی ہیں ۔ "عالمی خدمات، مشترکہ خوشحالی”کےعنوان سے پانچ روزہ یہ میلہ جمعرات کو بیجنگ میں شروع ہوا۔
ای وائی چائنا کے چیئرمین جیک چھان نےکہا کہ سی آئی ایف ٹی آئی ایس چین کےکھلےپن اور خدمات میں تجارت کی ترقی سے پیدا ہونے والے مواقع کا اشتراک کرنے کے لئے دنیا بھر کے کاروباری اداروں کواکٹھا کرتا ہے ، جبکہ سی آئی ایف ٹی آئی ایس کاروباری اداروں کو باہمی مفید نتائج پر مبنی تعاون کے لئے دوستوں کا ایک بڑا حلقہ بنانے میں بھی مدد کرتا ہے۔
چھن نے کہا کہ خدمات کے شعبے میں چین کے اعلیٰ معیار کے کھلے پن سے عالمی خدمات کی تجارت کرنے والی کمپنیوں کے لئے وسیع تر مارکیٹ کی جگہ اور ترقی کے مواقع فراہم ہوتے ہیں۔
کے پی ایم جی چین کے منتخب چیئرمین جیکی زو کا بھی یہی نقطہ نظر ہے کہ چینی جدیدکاری عالمی ترقی کے لئے نئے مواقع فراہم کرتی ہے۔
زو نے کہا کہ چین کے دروازے وسیع ہو رہے ہیں اور کے پی ایم جی خدمات کے تجارتی میلے اور اپنی پیشہ ورانہ خدمات اور بین الاقوامی نیٹ ورکس سے فائدہ اٹھانے کی امید رکھتی ہے تاکہ غیر ملکی کمپنیوں کو چینی مارکیٹ میں توسیع کرنے میں بہتر مدد مل سکے اور چینی کاروباری اداروں کو عالمی سطح پر جانے میں مدد مل سکے۔
خدمات میں چین کی تجارت نے گزشتہ چند سالوں میں مستحکم ترقی دیکھی ہے ، جو اس کی غیر ملکی تجارت کے لئے ترقی کا ایک اہم محرک بن گیا ہے۔سرکاری اعداد و شمار کے مطابق 2024 کے جنوری تا جولائی کے عرصے میں ملک کی درآمدات اور برآمدات کی خدمات گزشتہ سال کے مقابلے میں14.7 فیصد اضافے کے ساتھ 42 کھرب یوان (تقریباً 590 ارب امریکی ڈالر) تک پہنچ گئیں۔
وزارت تجارت کے ایک عہدیدار وانگ ڈونگ تانگ نے کہا کہ چین جس کی ایک بہت بڑی مقامی مارکیٹ ہے جبکہ وہ معیاری خدمات کی اپنی درآمدات کو بڑھا رہا ہے ، دنیا کو ترقی کے نئے مواقع فراہم کررہا ہے اور دنیا کو اپنی اعلی معیار کی ترقی کے ثمرات پیش کرنے کے لئے علم پر مبنی خدمات کی برآمدات کی بھی حوصلہ افزائی کر رہا ہے۔
عالمی فوڈ کمپنی نیسلے دوسری بار میلے میں شرکت کر رہی ہے اور اس نے تین زمروں میں 10 سے زائد اقسام کی مصنوعات پیش کی ہیں جن میں کافی، پینے کا پانی اور بچوں کی غذائیت کی مصنوعات شامل ہیں۔
نیسلے زون گریٹر چائنا کے سی ای او ڈیوڈ ژانگ نے کہا کہ 158 سال کی تاریخ کے ساتھ عالمی شہرت یافتہ فوڈ اینڈ بیوریج کمپنی کی حیثیت سے نیسلے کو ہمیشہ چینی مارکیٹ پر اعتماد رہا ہے۔
ژانگ نے مزید کہا کہ نیسلے کو امید ہے کہ اس سروس ٹریڈ میلے کو چینی صارفین کی ضروریات کو بہتر طریقے سے پورا کرنے کے لئے تعاون اور تبادلوں کو مزید مستحکم کرنے کے لئے استعمال کیا جائے گا۔
جرمن میڈیکل ٹیکنالوجی کمپنی سیمنز ہیلتھینرز اس تقریب میں ایک نئی کمپنی ہے اور اس نے تجارتی میلے میں دنیا کی متعدد معروف طبی مصنوعات پیش کی ہیں۔
سیمنز ہیلتھائنرز چائنا کی نائب صدر لینا وانگ نے کہا کہ تجارتی میلہ طبی اختراعات اور ٹیکنالوجیز کے تبادلے کے لئے ایک اہم عالمی پلیٹ فارم ہے، جو شراکت داری کو تلاش کرنے کے وسیع مواقع فراہم کرتا ہے۔
دنیا کی سب سے بڑی میڈیکل ڈیوائس کمپنیوں میں سے ایک میڈٹرونک بھی پہلی بار شرکت کر رہی ہے۔ اس نے تجارتی میلے میں 60 سے زیادہ مصنوعات پیش کی ہیں۔
میڈٹرونک گریٹر چائنا کے صدر الیکس گو نے کہا کہ سی آئی ایف ٹی آئی ایس اور چائنا انٹرنیشنل امپورٹ ایکسپو جیسی قومی سطح کی نمائشیں ملٹی نیشنل کمپنیوں کو تبادلے اور تعاون کے قابل قدر مواقع فراہم کرتی ہیں۔
گو نے کہا کہ چین کی بڑی آبادی اور اس کی طبی ضروریات پوری نہ ہونےاور چینی حکومت کی طرف سے لوگوں کی صحت پرتوجہ کو دیکھتے ہوئے، چینی مارکیٹ میں بہت زیادہ صلاحیت موجود ہے۔
انہوں نے مزید کہا کہ میڈٹرونک ہمیشہ سے چینی مارکیٹ کے بارے میں پرامید رہا ہے اور مستقبل میں اپنی مقامی ویلیو چینز ترتیب کو مزید مضبوط بنانے کی امید رکھتا ہے ، اس طرح چینی ڈاکٹروں اور مریضوں کو بہتر طبی خدمات فراہم کرے گا۔
