راجہ کے مارشل آرٹس، بحریہ ٹاؤن سوک سینٹر کی خواتین کی ٹیم نے 5 ستمبر سے ایران کے شہر اصفہان میں منعقد ہونے والےپہلے ایشین سو کیوکوشین کراٹے ٹورنامنٹ میں تیسری پوزیشن حاصل کرکے ثابت کیا ہے کہ خواتین کسی بھی شعبے میں شاندار کارکردگی کا مظاہرہ کرسکتی ہیں۔ اس ٹورنامنٹ میں35 ممالک نے شرکت کی، جس میں سات خواتین ایتھلیٹس پر مشتمل پاکستانی ٹیم نے 1 چاندی اور 6 کانسی کے تمغے جیتے اور تیسری پوزیشن حاصل کی۔ ٹورنامنٹ میں میزبان ایران پہلے اور عراق دوسرے نمبر پر رہا۔
راجہ مارشل آرٹس ، سوکیوکشن ایشین چیمپئن شپ میں پاکستان کے لئے تیسری پوزیشن حاصل کرنے کے بعد پاکستان آنے پر لائبہ ربنواز جنجوعہ ۔ کا راجاز مارشل آرٹس میں پرجوش استقبال کیا گیا۔ استقبال راجاز مارشل آرٹس کے شیہان ماجد مغل، سینسی انیب بٹ، سنپائے موئیز خالد، سینسی توحید شاہ، ڈاکٹر عائشہ، میرب، ثناہ اور دیگر سٹوڈنٹس نے کیا۔لائبہ ربنواز کا پھولوں سے استقبال کیا،اور جیت کی خوشی میں کیک بھی کاٹا گیایہ شاندار کامیابی ٹیم کی لگن اور استقامت کا ثبوت ہے، اور یہ خواتین کو خود اعتمادی اور اپنے دفاع کی مہارتوں کو ابھار کر بااختیار بنانے میں ایک اہم سنگ میل کا کام بھی کرتی ہے۔ ان کی جیت پاکستان کے لیے خاص طور پر پاکستانی خواتین کے لیے بے پناہ فخر کا باعث ہے، جن کی صلاحیتوں کو *شہان راجہ خالد جنجوعہ* کی ماہرانہ سرپرستی میں پروان چڑھایا گیا ہے۔راجہ کے مارشل آرٹس* کے بانی اور *سو کیوکوشین فیڈریشن آف پاکستان* کے صدر جناب راجہ خالد نے ٹیم کی شاندار کارکردگی پرمبارکباد کا پیغام بھی بھیجا ہے۔
