وزارت ہوابازی نے سول ایوی ایشن کے بڑے منصوبوں میں مبینہ کرپشن میں ملوث افسران کے خلاف تحقیقات کا فیصلہ کر لیا۔ذرائع کے مطابق سی اے اے میں براہ راست بھرتیوں کی بھی تحقیقات کا فیصلہ کیا گیا ہے، سی اے اے کے شعبہ فلائٹ سٹینڈرڈ، ایس کیو ایم ایس، ایرومیڈیکل ڈائریکٹرز اور ایڈیشنل ڈائریکٹرز کی بھرتیوں میں میرٹ کو نظر انداز کیا گیا۔
ذرائع کا کہنا ہے کہ اسسٹنٹ ڈائریکٹرز اور سٹاف لیول کی بھرتیوں میں میرٹ کی خلاف ورزی کی گئی ہے، بھرتیوں میں میرٹ کی خلاف ورزی پر شعبہ ایچ آر حکام کے متعلق وزارت ہوابازی کو شکایات ملی ہیں۔وزارت ہوابازی کے اعلیٰ حکام نے تمام معاملات کی شفاف تحقیقات کرنے کا فیصلہ کیا ہے، وزارت ہوابازی کو بھرتیوں اور منصوبوں میں مبینہ کرپشن کی شکایات موصول ہونے پر ایکشن لینے کا فیصلہ کیا گیا ہے۔
